Diretóra JSMP Ana Paula Marçal. Imajen/Hortençio Sanchez

DILI, 27 jullu 2020 (TATOLI) – Diretora Ezekutiva Programa Monitorizasaun Sistema Judisiál (JSMP-sigla ingles), Ana Paula Marçal, apresia ho notísia sira ne’ebé durante ne’e publika  iha mídia Estatál, Agência Tatoli, Institutu Públiku (IP) ne’ebé   mai ho karater informasaun atuál no kredivel.

Notísia Relevante : Tinan Haat Eziste, TATOLI Kontribui Ona ba Pensamentu Krítiku

“Kona-ba konteúdu notísia sira durante ne’e públika iha Tatoli sempre up-date ka informativu ho lais nune’e ami sempre akompaña informasaun kapás no klaru. Parabens ba Tatoli nia aniversáriu ba dahaat (27 jullu 2016-27 jullu 2020,” hateten Diretora JSMP, Ana Paula, ohin, iha Dili.

Nia husu ba Tatoli atu mantén sai fonte informasaun ne’ebé kredivel ho imparsialidade  ba notísias sira molok publika.

Diretora JSMP apresia no agradese ba servisu hamutuk JSMP ho Tatoli durante ne’ebé sempre halo kobertura hodi fó sai atividade sira JSMP nian iha area judisiáriu.

Nia husu Estadu atu apoiu finanseiru liuhosi Orsamentu Jerál Estadu hodi investe ba mídia Estatál ne’e atu bele moderniza instituisaun ne’e ba futuru sai ajénsia modernu hanesan mós ho ajénsia notisioza sira seluk iha mundu.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here