Vice Ministru Juventude Edukasaun no Desporto, Antonio Guterres.Imajen/Antonia Maia Gusmao

DILI, 24 jullu 2020 (TATOLI)-Vise Ministru Edukasaun Juventude no Desportu, António Guterres, hateten Agência TATOLI, Institutu Públiku tenki sai ezemplár ba mídia seluk hodi fó sai informasaun ho kredivel no imparsialidade.

Nia orgullu ho públikasaun informasaun husi TATOLI nian durante ne’e tanba fó sai informasaun iha duni imparsialidade, kredivel tanba ne’e tenki sai nafatin ezemplár atu mídia seluk banati tuir.

Agência TATOLI IP, iha loron 27 fulan-jullu ne’e sei komemora ninia aniversáriu ba dahaat.

“Hanesan membru overnu ne’ebé asume pasta  nu’udar Vise Ministru Edukasaun hakarak hato’o ha’u nia votus parabens no susesu ba ekipa Tatoli tomak hahú husi Prezidente,  Vise na’in rua, Diretór,  Editór,  Jornalista no ekipa tékniku sira inklui diresaun sira ne’ebé fó apoiu ba ejistensia Tatoli hodi kontinua sai nafatin mídia ida ejemplár ba mídia sira hotu,” dehan Governante iha Edifísiu MSSI Caicoli, kinta ne’e.

Governante ne’e iha esperansa boot katak ho Aniversariu instituisaun Estadu ne’e bele sai nafatin mídia ida ne’ebé  kredivel no imparsialidade hodi fó sai informasaun ho kualidade iha Timoe-Leste.

Nia hateten Tatoli hanesan instituisaun foun ida tanba ne’e presiza hadi’a liután sistema atendimentu hodi kobre notísia hahú husi área remotas ba povu nia moris di’ak.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here