MInistru Edukasaun Juventude no Desportu, Armindo Maia. Imajen Tatoli/Egas Cristovão

DILI, 22 jullu 2020 (TATOLI)-Ministru Edukasaun Juventude no Desportu (MEJD), Armindo Maia, deklara sei buka solusaun ba eis funsionáriu Ministériu Edukasaun nian hamutuk ema na’in 273 ne’ebé maka sira-nia kontratu ramata ona iha tinan kotuk.

Iha mandatu Eis Ministra Edukasaun Juventude no Desportu, Dulce de Jesus, la konsege estende kontratu ba eis funsionáriu 273 tanba sira-ninia kontratu hahú loron 01 fulan-janeiru no ramata iha 31 dezembru 2018.

Notísia Relevante :Funsionáriu 273 Hosi MEJD Halo Protesta Tanba La Kontinua Kontrata

“Ami la promote buat ida ba eis funsionáriu sira maibé, ami sei esforsu atu buka dalan oinsá hodi hetan solusaun  ba sira-nia problema,” dehan Ministru, Armindo Maia, ba Tatoli, iha Palacio do Governo Dili, kuarta ne’e.

Atu buka solusaun ba asuntu ne’e maka iha sesta semana kotuk, konsege hasoru malu ona ho eis funsionáriu hirak ne’e hodi buka solusaun ba problema ne’ebé iha tanba sira mai ho razaun katak Governu anteriór maka hapara sira-nia kontratu servisu.

Notísia Relevante :Funsionáriu 273 Ho KSTL Sei Hasoru MEJD Buka Solusaun Ba Kontratu La Extende

“Ami hasoru malu iha sesta kotuk ne’e atu rona de’it sira nia lamentasaun, tanba tuir lei no kompotensia ne’ebé iha ami rejista de’it depois mak sei buka ninia solusaun,”tenik Governante.

Notísia Relevante :PN Kontinua Diskute Eis Funsionáriu Kontratadu 273 MEJD

Jornalista : Tomé Amado

Editór       : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here