Diretóra Executivo Fundasaun Alola, Maria Imaculada Guterres. Imajen/ Egas Cristovão

DILI, 22 jullu 2020 (TATOLI)-Governu Austrália liuhosi ninia Embaixadór iha Timor-Leste, Peter Roberts, kuarta ne’e oferese tan máskara hamutuk 250.942 ba Ministériu Edukasaun Juventude no Desportu hodi distribui ba estudante ensinu báziku primeiru to’o terseiru siklu iha Territóriu Timor-Leste ba prevene transmisaun pandemia globál COVID-19.

Fundasaun Alola maka prodúz máskara ho montante boot ho traballadór na’in 20 durante fulan rua-resin.

Notísia Relevante :Governu Distribui Máskara 15.000 ba Estudante Sira

“Ami kontente tanba bele finaliza máskara 250.942 ne’ebé ami suku durante fulan rua-resin no ohin bele entrega ona ba Ministériu Edukasaun,”dehan Diretora Fundasaun Alola, Maria Imaculada Guterres ba jornalista sira iha Vila-Verde Dili.

“Sira servisu lorloron, kada ema ida ami nia alvu loron ida tenke prodúz máskara 1.000 ida maibé depende ba sira atu nune’e bele lalais finalize tuir tempu fulan rua-resin ne’ebé Ministériu Edukasaun deside ona,”tenik tan.

 Notísia Relevante :Austrália Kontinua Apoiu Fasilidade ba Eskola Sira

Máskara hirak ne’e balun komesa distribui on aba estudante sira iha munisípiu sira no balun sei distribui tan iha tempu tuirmai.

Jornalista : Tomé Amado

Editór       : Agapito dos Santos.

HAKEREK NO HATÁN

Please enter your comment!
Please enter your name here