Sekretáriu Estadu ba Igualdade no Inkluzaun, Maria José da Fonseca Monteiro de Jesus, iha ámbitu panorama orsamentál 2019 iha MF Aitarak Laran. Imajen Egas Cristovão

DILI, 21 jullu 2020 (TATOLI)- Sekretáriu Estadu ba Igualidade no Inkluzaun (SEII) Maria José da Fonseca Monteiro de Jesus hasoru malu ho Vise-Ministru Administrasaun Estatál (MAE), Lino de Jesus Torrezão, hodi halo koordenasaun serbisu kona-ba promosaun igualdade no inkluzaun nian.

“Tanba ita hotu hatene katak ita-nia feto defisiente lubuk boot ida mak ho nia persentajén ne’ebé mak boot liu iha Timor Leste, tanba ne’e mak ita hamutuk ho MAE hodi asegura no fó benefísiu ba sira iha komponenete oioin”, Sekretária Estadu, Maria José da Fonseca Monteiro de Jesus ba jornalista sira iha MAE, Colmera, Dili, tersa ne’e.

Tanba ne’e, tuir governante ne’e katak presiza serbisu no koordena ho MAE atu bele asegura grupu traballu jéneru ne’ebé iha munisípiu 12 tanba fornesementu serbisu ne’ebé MAE halo iha nasionál to’o iha munisípu sira ne’e tenke hatán ba komponente hotu iha sosiedade nia leet.

Entrega Matadalan

Sekretária Estadu, Maria José da Fonseca Monteiro de Jesus informa mós katak durante sorumutu ho Vise-Ministru Administrasaun Estatál (MAE) entrega mós dokumentu ida hanesan matadalan ba MAE hodi bele haree no servisu tuir, nune’e bele kontinua de’it saida mak durante ne’e SEII hala’o ona liga ho promosaun igulidade no inkluzaun, feto potensiál sira, ema ho defisiente no seluk tan.

Tuir nia katak to’o agora MAE servisu di’ak ho Programa Nasionál Dezenvolvimentu Suku (PNDS) ne’ebé mak to’o ona iha suku no aldeia sira, ne’ebé mak envolve mós ho feto no ema no defisiénsia sira.

“Hein katak intervensaun ne’ebé mak MAE halo ne’e sei asegura no nesesita ba oportunidade ne’ebé hanesan ba ema hotu-hotu no mós servisu ho PNDS di’ak ona tanba sira bele kobre to’o ona iha aldeia no suku sira liliu ba infraestrutura ne’ebé mak sensivél ba maluk defisiénsia sira,” nia espera.

Notísia relevante:ADTL Hakarak Muda Ema-Nian Hanoin Kona-ba Defisiente

Jornalista       : Osória Marques

Editór             : Rafy Belo

HAKEREK NO HATÁN

Please enter your comment!
Please enter your name here