Servisu Tékniku DNSA iha terrenu. Imajen/SAS

DILI, 21 jullu 2020 (TATOLI) – Ministériu Obra Públika (MOP) finaliza ona dezeñu ba bee-moos balun no prevee iha Orsamentu Jerál Estadu (OJE) 2020 nian maibé tanba orsamentu xumba maka labele implementa maibé sei implementa iha 2021.

“Kona-ba bee-moos iha ona dezeñu hamutuk 21 ne’ebé mak preparadu hela no prevee iha orsamentu 2020, maibé labele implementa tanba polítika maibé iha 2021 bele implementa no ami-nia ekipa tékniku agora daudaun la’o hela iha munisípiu sira atu hanoin kontribui prepara tan dezeñu sira atu implementa,” relata Ministru Obra Públika, Salvador Soares dos Reis Pires, hafoin ramata enkontru ho Xefe Governu iha Palásiu Governu, segunda ne’e.

Governante ne’e dehan, relasiona ho kestaun bee-moos, MOP sei hetan ajuda hosi International Labour Organization (ILO), ne’ebé finansia hosi Governu Austrália atu fó asisténsia téknika.

Tuir dadus hosi MOP nian katak populasaun ne’ebé asesu ona bee-moos hamutuk porsentu 50.

Enkuantu, kona-ba estrada rurál iha 2020, MOP planea implementa estrada rurál ho totál kilometru 270, maibé tanba OJE 2020 laiha entaun prevee hikas iha OJE 2021.

“Ami hanoin ko’alia mós ho parseiru Governu Austrália atu expande programa ne’e la’ós de’it estrada rurál maibé ba mós estrada munisipál,” nia akresenta.

Jornalista: Antónia Gusmão

Editora: Julia Chatarina

 

HAKEREK NO HATÁN

Please enter your comment!
Please enter your name here