Profisionál Saúde sira tuir formasaun. Imajen Tatoli/Felicidade Ximenes

DILI, 20 jullu 2020 (TATOLI)-Institutu Nasionál Saúde (INS) durante fulan tolu, hahú abríl to’o juñu tinan ne’e, oferese ona formasaun kona-ba surtu COVID-19 no kauza manajementu klínika ka causes and clinical management ba profisionál saúde kompostu husi médiku, parteira, enfermeiru no seluk tan.

Diretóra Formasaun Institutu Nasionál Saúde, Dirce Maria Soares, hateten tuir alvu INS nian katak durante fulan tolu ne’e hakarak fó formasaun ba profisionál saúde hamutuk 1.669, maibé rezultadu formasaun la atinje númeru refere.

Notísia Relevante :INS Fó Ona Formasaun ba Profisionál Saúde 1503

”Alvu husi ami  INS hakarak fó formasaun ba profisionál saúde  hamutuk 1.669 maibé iha formasaun  husi  fulan-abríl to’o juñu la to’o iha alvu ne’ebé mak ami fó maibé formasaun ne’e foka liu ba COVID-19, no mós prevensaun kontrolu sira liga ba iha koidadu psikolojia kona-ba promosaun saúde,”dehan Nia iha Salaun INS Comoro, segunda ne’e.

Formandu hirak ne’e maihosi ospitál referál lima hanesan Baucau, Bobonaro, Maubisse, Covalima no RAEOA, inklui Servisu Saúde husi Munisípiu 12 inklui RAEOA.

“Profisionál saúde sira ne’ebé mak servisu direitamente ba kliniká oinsá atu haree ba sasán sira ne’ebé mak iha klínika hanesan oinsá fó tratamentu ba kurasaun no mós moras sira seluk tan,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here