Diretora Jeral Prestasaun Saude, Odete Viegas da Silva.Imajen/Egas Cristovão

DILI, 20 jullu 2020 (TATOLI)-Ministériu Saúde liuhosi Diretóra Jerál Prestasaun Saúde, Odete Viegas da Silva, konsidera ho lansamentu programa aplikasaun Haroman ba moras da’et sira ne’ebé mak prodúz ona husi Organizasaun Naun Govermentál (ONG) Maluk Timor ho Catalpa sei tulun Governu hodi redúz númeru moras da’et sira iha Timor-Leste.

Instituto Nasionál Saúde (INS) ho Organizasaun Naun Govermentál Maluk Timor, Catalpa no Ministériu Saúde maka segunda ne’e lansa ona programa aplikasaun haroman ba Smartphone hodi tulun informasaun ba profisionál Saúde  ne’ebé liga ho moras hada’et sira hanesan HIV SIDA, Tubercoluse, COVID-19 no seluk tan.

Notísia Relevante :INS ho NGO Maluk Timor Lansa Programa Aplikasaun Haroman ba Moras Hada’et

Projetu ne’e hetan tulun husi Governu Austrália servisu hamutuk ho INS, Ministériu Saúde, ONG Maluk Timor no Catalpa.

”Ohin ita hala’o lansamentu maibé to’o fulan-dezembru mak ekipa sira prepara oinsá ba to’o iha prosesu desiminasaun informasaun no mós modul sira hotu  hafoin tuun ba baze hodi fó treinamentu ba pontu fokál liliu ba sira programátiku sira no mós Diretór, Xefe  Departamentu sira kona-ba aplikasaun haroman hanesan ezemplu ema sira tama ilegál iha fronteira oinsá ita uza aplikasaun ne’e tanba meiu ida fasil liu profisionál saúde sira bele uza telefone hodi haree dadus no siénsia sira ne’ebé mak iha aplikasaun ne’e nia laran,” dehan Odete.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here