Kooperativa Agríkola. Imajen/Espesiál

BOBONARO, 19 jullu 2020 (TATOLI) Xefe Suku Soilesu Marobo, Postu Administrativu Bobonaro, Munisípiu Bobonaro, Norberto Martins Simões, husu ba Governu atu harii kooperatativa komunitária, nune’e bele halibur produtu komunidade no asesu ba merkadu ho fásil.

Razaun komunidade sira hakarak harii kooperativa komunitária tanba iha suku ne’e maioria komunidade hala’o moris ho agrikultura, maibé sempre hasoru problema estrada a’at no produtu la folin.

“Tanba ne’e maka husu Governu presiza tau matan liuliu ba estada. Ami rekomenda karik Governu bele loke kooperativa komunitária ida atu nune’e komunidade Suku Soilesu nia rezultadu produtu ne’ebé maka sira prodúz bele iha folin,” tenik líder komunitáriu ne’e iha Suku Soilesu, sesta ne’e.

Notísia Relevante: Elizário Ferreira Simu Orientasaun Husi PM Taur Harii Kooperativa Komunitária

Nia dehan, produtu agrikultór ne’ebé poténsia tebes iha Suku Soilesu no komunidade sempre prodúz durante ne’e maka liis mean, ai-manas, modo no produtu seluk tan.

Hatan ba kestaun ne’e, Sekretáriu Estadu Komunikasaun Sosiál, Merício Juvinal dos Reis ‘Akara’, promete sei tramite ba Sekretaria Estadu Kooperativa atu haree ba kestaun ne’e.

“Ha’u sei transmite infomasaun no preokupasaun sira ne’e Sekretáriu Estadu Kooperativa atu tau atensaun ba kestaun ne’e, tanba preokupasaun ita presiza anota no presiza responde duni, tanba ne’e importante tebes,” governante ne’e subliña.

Antes ne’e, Primeiru-Ministru, Taur Matan Ruak orienta ona Sekretáriu Estadu Kooperativa, Elizário Ferreira atu harii kooperativa komunitária.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here