Diretór Nasionál ba Asuntu Legál, Ministériu Justisa (MJ), Nelinho Vital

DILI, 19 jullu 2020 (TATOLI)–Governu lihosi Ministériu Justisa (MJ) durante ne’e rona públiku sira-nia preokupasaun kona-ba esbosu-Lei Kriminalizasaun Difamasaun konsege elimina tiha artigu 187 alínea B númeru 1, ne’ebé ko’alia kona-ba agravasaun partidu polítiku no ba funsionáriu sira.

Notísia Relevante: Paresér Sira Kona-ba Ezbosu Lei Kriminaliza Difamasaun, Ministru Cárceres Estuda Besik Hotu Ona

Diretór Nasionál Ba Asuntu Legál iha Ministériu Justisa, Nelinho VitalNia esplika, iha Artigu 187 kona-ba agravasaun (hatodan) iha alinea B númeru 1 hateten Ajente ka autór ne’e sei hetan kastigu ho prizaun to’o tina  rua (2) ka multa, se faktu sira ne’ebé deskreve iha arrtigu anterior prátika ka hala’o, a) liuhosi meu kai ha sirkunstansia ne’eb’e fasilita hafe informasaun hanesan mídia komunikasaun sosiál ka rede sosiál sira; b) kontra ka hasoru sira ne’ebé halo knaar funsaun públika, relijoizu no polítku sira.  

“Ami kontente loos tanba ami simu  paraser lubuk ida hanesan NGO ka sosiedade sivíl sira no pesóal balu, sira fó pareser mai ami no konsege ami elimina tiha kona-ba agravasaun ba funsionáriu públiku ba partidu polítiku sira iha artigu 187 alínea B númeru 1,” dehan Nelinho Vital ba jornalisa sira hafoin partisipa programa Editor Club ba dala haat  iha salaun Konsellu Imprensa, Kintál Boot, foin lalais ne’e.

Diretór ne’e hateten, kona-ba artigu 187 agora elimina tiha ona tanba durante ne’e públiku sira hatama hela pareser ba Ministériu Justisa, signifika sira rona no atende hela ba Lei ne’e rasik. Agora diskusaun sei la’o nafatin no rona ideia sira hotu mak muda tiha ona artigu maibé agora atu distingi tan ninia definisaun sira-ne’e, nune’e labele mosu multi interpretasaun.

Kona-ba Lei kriminaliza Difamasaun ne’e, nia dehan, iha pro-kontra ne’e normál tanba Estadu ida-ne’e Diretu Demokrátiku. Maibé, tuir nia, ida-ne’e polítiku ida hosi Governante sira oinsá atu eduka sosiedade sira respeitu ba malu atu nune’e ema labele hatun ema-nia onra.

“Ida-ne’e dezisaun ida  polítiku hosi governante sira. Depois ita haree mós ba lakuna ne’ebé iha, ita responde mós ba problema ne’ebé agora mosu daudaun. Tanba oinsá ita atu dezenvolve sosiedade ida atu respeitu ba malu, atu nune’e ema lable hatun ema-nia onra,” nia dehan.

Aleinde ne’e, nia esplika, Lei Kriminaliza Difamsaun ne’e la’os atu regula jornalista sira de’it maibé ba ema hotu-hotu. Tanba ne’e, nia esplika, Ministeriu Justisa elimina ona artigu 187 kona-ba proteje agravasaun ba ema funsionáriu públiku ba partidu políriku sira,” nia dehan.

Nia esplika, Diskuasaun Lei Kriminaliza Difamasaun ne’e kontinua la’o nafatin, aleinde  ne’e sira mós sei  konsentra ba Lei Medida Prevensaun no Kombate Krorupsaun (MPPC) no mós ba tan reforma judisiáriu ne’e la’o nafatin.

Jornalista  :  Osória Marques

Editór        :  Cancio Ximenes

HAKEREK NO HATÁN

Please enter your comment!
Please enter your name here