Ministra Negósiu Estranjeiru no Kooperasaun, adalgiza Albertina Xavier Reis Magno.Imajen/Antonio Goncalves

DILI, 17 jullu 2020 (TATOLI)- Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, reprezenta Governu Timor-Leste fó kongratulasaun ba aniversáriu husi Organizasaun Comunidade dos Países de Lingua Portugeusa (CPLP) ba dala 24.

CPLP  hari’i iha loron 17 fulan jullu 1996 iha Lisboa Portugal , no daudaun ne’e iha ona membru hamutuk nasaun sia, Portugal, Brazíl, Guiné-Bissau, Moçambique, São Tomé e Príncipe, Cavo-Verde, Timor-Leste no Guiné Equatorial.

Organizasaun ne’e mosu tanba nasaun sira ko’alia lian hanesan no asuntu sosiál ne’ebé hanesan mós.

“Ha’u lori naran governu Timor-Leste no povu tomak fó parabéns ba komunidade nasaun CPLP hotu ne’ebé ohin halo aniversáriu ba dala-24. Ida ne’e lasu amizade ida ne’ebé importante tebes Timor-Leste ho nasaun membru seluk,”dehan Governante iha Aeroportu Comoro Dili, kinta ne’e.

“Timor-Leste nia reprezentante mós uluk partisipa hotu bainhira hamutuk hodi funda CPLP iha 1996 ita seidauk independénsia no seidauk sai membru maibé ita partisipa ona entaun ita sente ita-nia partisipasaun ne’e maka’as loos,” tenik Adaljiza.

Jornalista : Hortencio Sanchez

Editór       : Agapito dos Santos 

HAKEREK NO HATÁN

Please enter your comment!
Please enter your name here