Estudante Sekundariu 4 Setembru UNAMET, Dili 16 Juinu 2020. Imajen/Antonio Goncalves

DILI, 16 jullu 2020 (TATOLI)-Timor-Leste iha ona eskola Ensinu Sekundáriu Jerál (ESJ) no Eskola Sekundáriu Tékniku Vokasionál (ESTV) hamutuk 161 kompostu husi ESJ 103 no ESTV 58. Husi númeru ne’e eskola sekundáriu jerá hamutuk sia no tékniku vokasionál 10 maka seidauk re-ativa sira-nia prosesu aprendizajen ba estudante sira.

Diretór Jerál Ensinu Sekundáriu Ministériu Edukasaun Juventude no Desportu, Deolindo da Cruz, hateten eskola 19 ne’ebé maka seidauk re-ativa ne’e, eskola tolu iha Rejiaun Administrativa Oé-Cusse Ambeno (RAEOA), eskola neen iha Dili, no sanulu iha munisípiu 11 seluk.

 Notísia Relevante :Governu Re-Ativa Eskola Lima iha Munisípiu Rua Parte Leste

”Ita bele dehan progresu ho eskola sira ne’ebé re-ativa ona bele dehan husi pursentu 74 ne’e sa’e ona ba 84,2 %,  ne’e hatudu katak koordenasaun entre kordenadór edukasaun no saúde sira iha nivél nasionál no Munisípiu la’o di’ak tebes,”dehan nia ba jornalista sira iha Vila Verde, kinta ne’e.

 Notísia Relevante :Eskola 78 iha Dili Re-Ativa Ona Prosesu Aprendizajen

MEJD garante katak antes fulan jullu ramata eskola hotu-hotu iha Timor-Leste bele re-ativa hotu ona prosesu aprendizajen ba estudante sira hafoin implementasaun Estadu Emerjénsia fulan tolu relasiona ho moras surtu COVID-19.

 Notísia Relevante :Ministru Armindo Sei Re-ativa Eskola Fazeadamente

“Labarik sira halimar barak liu ona, entaun Governu tenki hanoin oinsá atu sira bele lalais fila-fali ba eskola, esforsu ida ne’e presiza kolaborasaun hamutuk atu hetan rejultadu ida di’ak liu ba futuru oan sira nian,”katakDiretór ne’e.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here