Eis Prezidente Parlementu Nasionál, Arão Noé de Jesus da Costa Amaral. Imajen/António Gonçalves.

DILI, 16 jullu 2020 (TATOLI)—Deputadu Bankada Congresso Nacional da Reconstrução de Timor (CNRT), Arão Noé de Jesus da Costa Amaral, kontra inisiativa Governu liuhhosi Ministru Justisa, Manuel Cárceres, ne’ebé atu hamoris fali lei kriminaliza difamasaun.

 Notísia Relevante: CI Husu MJ Kansela Esbosu Lei Kriminaliza Difamasaun

“Agora ita hakarak Kódigu Sívil ba fali Kódigu Penál para bele tau hanesan krime públiku ida, ne’e ita hakiduk fila-fali ba kotuk hanesan era Sueharto (Indonézia) no era Salazar (Portugál) nian. Katak, ita komesa proibe ona Liberdade ema-nian atu halo espresaun. Se líder ruma sente prezudikadu bele halo keixa tanba Kódigu Sívil garante, la presiza kriminaliza ba asaun. Tanba ne’e, ha’u kontra prinsípiu ida-ne’e tanba demokrasia ne’e lakon tiha ona. Se ita halo ida-ne’e Liberdade espresaun no Liberdade imprensa laiha ona,” Eis Prezidente Parlamentu Nasionál, Arão Noé de Jesus da Costa Amaral, informa ba jornalista sira iha resintu Parlamentu Nasionál, kinta ne’e.

Tuir nia, bainhira Governu liuhosi Ministru Justisa kontinua avansa ho esbosu-lei ne’e, tuir de’it gostu no haree de’it ba sé mak ukun.

“Aban bainrua bele akontese persegisaun polítika, bele akontese mós prizioneiru polítiku kuandu ema halo interpretasaun oin seluk. Tanba ne’e mak ha’u la konkorda atu introdús lei kriminaliza difamasaun ne’e iha Kódigu Penál,” nia dehan. 

Nia foti esperienénsia ida iha tinan 2018, nia parte hanesan Koordenadór Jurizdisaun AMP nian no halo keixa ida kona-ba asuntu ida-ne’e, ba iha Polísia tanba iha karikatura ida kona-ba “Maun Boot Xanana Gusmão”, iha momentu ne’e Polísia konsege deteta no kaptura autór ne’ebé halo difamasaun ne’e.

“Polísia ba to’o sede CNRT dehan ami kaer ona prosesu ba-oin ne’e halo nusá. Ha’u ba konsulta ho Maun Boot Xanana Gusmão hanesan lideransa partidu CNRT. Ha’u to’o, nia (Xanana) dehan ó ba preokupa ho buat kiik-oan sira hanesan ne’e. Nusá la preokupa estadu no povu nia moris. Entaun, ha’u hakerek karta ida informa ba polísia katak ha’u perdua nia (autór difmasaun ne’e),” nia haktuir.

Eis Prezidente Parlamentu Nasionál ne’e, kaer ba inspirasaun Xanana Gusmão nian hatudu katak sai ona figura públiku krítika ne’e tenke simu kada loron.

“Ha’u, uluk prezidente parlamentu mós kuaze loron-loron ema insulta, ema trata. Maibé, ha’u Arão nafatin hela to’o agora. Se ha’u hanesan ema sarani, se ema insulta ha’u, nia mak sala. Sé mak ba konfesa, nia mak ba konfesa la’ós ha’u. Tanba ne’e, la presiza kriminaliza aktu sivíl,” Deputadu Bankada CNRT ne’e hateten.

Eis Prezidente Parlamentu Nasionál fó ezemplu, uluk Ramos Horta keixa iha Austrália to’o ikus hetan indemnizasaun

Nia fó-sai katak, bainhira Governu kontinua avansa ho esbosu-lei kriminaliza difamasaun ne’e, bankada CNRT sei kontra tanba esbosu ne’e sei lori ba Parlamentu Nasionál.

 Notísia Relevante: Paresér Sira Kona-ba Ezbosu Lei Kriminaliza Difamasaun, Ministru Cárceres Estuda Besik Hotu Ona

Jornalista : Evaristo Soares Martins

Editór      : Cancio Ximenes

1 KOMENTÁRIU

  1. hakarak kanten kadeira no hakarak hadau poder, prontu no simu mos kritika oin-oin tantu diak no tanto at, se lakohi simu kritika entaun la bele hadau poder no kadeira (prontu hadau mos tolok ka insulta oi-oin ne’ebe povu fo, se la kohi signifika katak la hadomi profisaun.

HAKEREK NO HATÁN

Please enter your comment!
Please enter your name here