Ambulansia Aero.Imajen/Google.

DILI, 16 jullu 2020 (TATOLI)-Ministériu Saúde ninia ambulánsia aero ida daudaun ne’e fila ona mai Timor-Leste, hafoin halo manutesaun iha Nasaun Austrália iha fulan hirak liubá.

Ministériu Saúde iha ambulánsia aero hamutuk rua ne’ebé uza hodi transporta pasiente  ho moras grave sira husi Munisípiu Mai Dili, nuné Atauro Dili.

”Ita iha ambulánsia aero rua ida hela, no  ida mak bá halo manutensaun iha Austrália no daudaun ne’e fila ona mai ita-nia ra’in ho pilotu sira ne’ebé mak preparadu ,’’relata Diretór Nasionál Apoia Ospitalár no Emerjénsia Ministériu Saúde, Nilton da Silva, iha ninia servisu fatin kinta ne’e.

Pilotu husi ambulánsia aero  rua ne’e preparadu atu halo operasaun hodi tula pasiente sira bainhira iha kazu urjente ruma iha Munisípiu.

“Pilotu sira mós preparadu hela se karik iha moras todan ruma iha Munisípiu presiza mai nasionál uza de’it ambulánsia aero hodi salva pasiente sira-nia vida,”tenik tan.

Ambulánsia Aero rua ne’e para hela iha Aeroportu Internasionál Prezidente Nicolau Lobato Comoro Dili.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here