Rama Ambon Imajen/Agapito dos Santos

DILI, 14 jullu 2020 (TATOLI)-Médiku Jerál Cirúrjia Ospitál Nasionál Guido Valadares (HNGV-sigla portugés), Arcanjo de Jesus, hateten vitima Agostinho da Silva, ne’ebé hetan hana ho rama ambon husi ema deskoiñesidu iha segunda kalan ne’e halo ona tratamentu intensivu iha sala sirúrjia mulher HNGV Dili.

Vitima hetan hana iha kotuk laran iha área Hudi-Laran Dili, purvolta tuku 8:00 Otl, segunda kalan ne’e.

”Rama Ambon ne’e belit iha hirus matan kotuk parte iha posterior no inferiór katak iha ita-nia kotuk maibé iha okos entaun pasiente hodikalan halo raiu-x  no teste raan katak dalaruma implikasaun husi rama ambon nian ne’e halai to’o iha figadu ka aten,”dehan nia ba jornalista sira iha sala operasaun HNGV.

Maibé rezultadu operasaun iha segunda kalan ne’e la deskobre rama ambon borus to’o orgaun sira isin nian iha parte inferior maibé belit de’it iha kotuk laran.

“Pasiente tama iha sala operasaun tuku 10 kalan kontinua halo operasaun no ohin dader baixa ona iha sala sirúrjia ho kondisaun di’ak,” katak Arcanjo.

Entretantu, vitima Agostinho da Silva, ho tinan 30 husi Ai-Mutin, Suku Comoro Postu Administrativu Dom Aleixo Munisiípiu Dili.

Jornalista : Felicidade Ximenes

Editór      : Agapito dos Santos

HAKEREK NO HATÁN

Please enter your comment!
Please enter your name here