Proreitor Asuntu Akademiku, Professor Miguel Maia dos Santos.Imajen/ Tatoli Egas Cristovao

DILI, 14 jullu 2020 (TATOLI)-Pro Reitór Asuntu Akadémiku UNTL,  Miguel Maia dos Santos, informa Universidade Nasionál Timor Lorosa’e daudaun ne’e realiza ona ezame trimestrál ba estudante universitáriu.

Nia informa estudante husi semester III ba leten maka tuir ona ezame tanba kompleta ona materia aprendizajen durante dala 14.

“Molok pandemia COVID-19 mosu, ita-nia estudante semester III ba leten sira barak mak kompleta ona enkontru dala 14, balun tama iha revizaun materia no ajustamentu inklui rekoperasaun oituan de’it, tanba ne’e maka  agora sira halo ona ezame,”tenik Miguel Maia dos Santos, ba Tatoli iha ninia servisu fatin, segunda ne’e.

Ba estudante semester I no II en jerál, oras ne’e sei hala’o hela sira-nia prosesu aprendizajen hanesan baibain.

“Agora ba estudante finalista sira ne’ebé mak prepara ezame hakerek monografia oras ne’e halo hela preparasaun ba sira-nia atividade akadémiku nian la’o hanesan baibain,”dehan Nia.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here