Reitór Universidade Nasionál Timor Lorosa’e (UNTL), Francisco Miguel Martins. Imajen/TATOLI

DILI, 14 jullu 2020 (TATOLI)-Reitór Universidade Nasionál Timor Lorosa’e (UNTL), Francisco Maia, hateten UNTL iha ona planu sei loke kanál espesiál ba Polisia Nasionál Timor-Leste atu estuda iha universidade públiku ne’e ba anu letivu foun 2020/2021.

“Iha UNTL ita loke kanál espesial ba mós membru PNTL atu hasa’e ninia kualidade, kapasidade, kompotensia iha área ne’ebé mak nia bele konforme ita aloka ba depois sira mak deside tuir nesesidade no kapasidade Instituisaun PNTL nian,” dehan nia hafoin simu vizita kortejia husi Komandante PNTL Munisípiu Dili, Superintendente Xefe, Hendrique da Costa, iha UNTL, ohin.

Magnífiku Reitór UNTL ne’e husu ba Komando PNTL Munisípiu Dili atu fó oportunidade ba membru sira hodi aplika vaga rejime espesiál hodi estuda iha UNTL.

Nia dehan, UNTL propoin ba membru PNTL sira atu estuda iha área prioridade sira hanesan edukasaun, agrikultura, diretu no seluk tan.

Tinan akadémiku 2020/2021, UNTL iha ona planu sei halo inskrisaun foun ba estudante sira iha fulan-setembru 2020.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here