Prezidente Komisaun Funsaun Públika (CFP-sigla portugés), Faustino Cardoso. Imajen/Antonio Goncalves

DILI, 14 jullu 2020 (TATOLI)–-Governu liuhosi Komisaun Funsaun Públika (CFP, sigla portugés), ohin, komemora  Loron Nasionál Funsaun Públika ba dala-VI (15 jullu 2015 – 15 jullu 20202) ho tópiku jerál “Rezilénsia Funsaun Públika Hasoru Pandémia COVID-19 no Ba Oin” liuhosi semináriu ne’ebé hala’o iha Edifisiu Ministériu Finansa, Aitarak Laran, Dili.

Prezidente Komisaun Funsaun Públika (CFP, sigla portugés), Faustino Cardoso Gomes, hateten prosesu disiplinár iha Funsaun Públika ne’e sai instrumentu ka xave ida hodi husu responsabilidade ba aktu infratóriu ne’ebé komete hosi Funsionáriu Públiku (FP) sira hotu.

Faustino informa, prosesu disiplinar ne’e parte ida oinsá atu hametin integridade funsaun públika rezilénsia no funsaun públika sei hetan ninia kontribuisaun no mós integridade iha funsaun públika.

“Tanba ne’e, prosesu disiplinar ne’e sai instrumentu ka xave ida atu hodi husu responsabilizasaun ba aktu infratóriu ne’ebé komete hosi funsionáriu públiku sira. Iha CFP ninia relatóriu 2019 ne’e, ko’alia mós kona-ba situasaun ligadu ho prosesu disiplinar ne’ebé komisaun funsaun públika tenke akompaña durante tinan ida. Tanba ne’e, prosesu sei la’o nafatin,” dehan Faustino Cardoso Gomes, ba jornalista sira hafoin partisipa semináriu iha Salaun Minstériu Finansa, Aitarak Laran, Dili, tersa ne’e.

Nia hatutan, importante maka prosesu disiplinár ba funsaun públika ne’e la’o nafatin, tanba ida-ne’e parte integrante ida atu asegura integridade funsaun públika hodi hametin liután rezilénsia funsaun públika hasoru COVID-19 no ba oin.

Semináriu Loron Nasionál Funsaun Públika ba dala-VI (15 jullu 2015-15 jullu 20202) ho tópiku jerál “Rezilénsia Funsaun Públika Hasoru Pandémia COVID-19 no Ba Oin” ne’e, hetan partisipasaun másimu hosi komisaunfunsaun públika no parte liña ministériu sira hotu.

Komemorasaun ba Loron Nasionál ba Funsaun Públika ne’e, hahú iha loron-kinta (09/07/2020) ne’ebé loke hosi Primeiru-Ministru, Taur Maran Rauk, hodi hala’o vizita ba Jardiim dos Herois Metinadro, Dili, hala’o limpeza jerál, semináriu, no sei taka ho Misa Agradesimentu ne’ebé sei hala’o iha Igreja Katedral, Vila-Verde, Dili, iha kuarta (15 jullu 2020).

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here