Embaixadora EUA iha Timor-Leste, Kathleen Fitzpatrick. Imajen Tatoli/António Goncalves

DILI, 14 jullu 2020 (TATOLI)-Embaixadora Estadus Unidus Amérika iha Timor-Leste, Kathleen Fitzpatrick, hateten EUA hakarak atu oferese formasaun rekursu umannu ba membru Polisia Nasionál Timor-Leste (PNTL) atu oinsá kombate krime no tráfiku umanu.

Kathleen Fitzpatrick, hato’o sira-nia kompromisu ne’e hafoin hasoru malu ho Primeiru-Ministru, atuál Ministru Interiór,  Taur Matan Ruak, iha Palacio do Governo Dili, tersa ne’e.

“Ha’u esplika ami-nia programa no kolaborasaun ho PNTL, ami kolabora liu iha sentru treinamentu ami nian iha Thailandia, oinsá PNTL husi ne’e bele ba halo treinamentu iha área oinsá bele kombate krime, oinsá kombate tráfiku umanu, oinsá mak halo investigasaun no seluk tan,”dehan EUA.

Durante sorumutu ne’e, Kathleen, rekomenda  ba Xefe Governu atu Timor-Leste kontinua hametin kooperasaun ho Governu Indonézia hodi prevene no kombate COVID-19.

Nune’e relata mós Estadu Unidus ninia apoiu ba prevensaun surtu coronavirus.

Jornalista : Hortencio Sanchez

Editór       :  Agapito dos Santos

HAKEREK NO HATÁN

Please enter your comment!
Please enter your name here