Diretór Jerál Servisu Migrasaun, Superintendente Polísia Agostinho da Silva Gomes. Imajen/Eugenio Pereira

DILI, 13 jullu 2020 (TATOLI) – Diresaun Jerál Servisu Migrasaun Ministériu Interiór (DJSM-MI) hahú ohin ba oin reativa operasaun tama-sai loja no kompañia sira hodi kontrola vistu sidadaun estranjeiru sira ne’ebé hala’o atividade iha Timor-Leste.

Diretór Servisu Migrasaun Timor-Leste, Superintendente Xefe Agostinho da Silva, Gomes, deklara durante periodu Estadu Emerjénsia kuaze fulan tolu, ekipa la halo operasaun tanba situasaun COVID-19.

Nia hatutan, agora daudaun ne’e Servisu Migrasaun reativa hikas ona servisu loro-loron simu no halo atendimentu ba sidadaun estranjeiru sira ne’ebé trata sira-nia vistu no dokumentu servisu nian.

“Hahú ohin ba oin operasaun Servisu Migrasaun sei la’o hodi kontrola nafatin sidadaun estranjeiru karik sala utiliza vistu ruma,” informa Agostinho Gomes, ba jornalista, ohin, iha Raikotu, Dili.

Agostinho hatutan, durante fulan tolu la iha ema estranjeiru halo movimentu tama-sai liña fronteira Terrestre, Aeroportu no Portu, tanba  ne’e Servisu Migrasaun ladún hatama reseita boot ba kofre Estadu.

Jornalista   : Eugénio Pereira

Editór        : Francisco Simões

 

HAKEREK NO HATÁN

Please enter your comment!
Please enter your name here