Adjunta Defensora Jerál Públika, Olga Berreto Nunes. Imajen/Mídia CAC.

DILI, 14 jullu 2020 (TATOLI)–Adjunta Defensora Jerál Públika, Olga Berreto Nunes, sente orgullu ho prezensa lei númeru 1/V/I-Medida Preventiva no Kombate Korrupsaun (MPCC, sigla portugés) ne’ebé prodús hosi komisaun A Parlamentu Nasionál (PN), ne’ebé konklui no aprova ona iha diskusaun  espsialidade.

Notísia Relevante: Komisaun A Konklui Ona LAC, Aban Hatama Relatóriu Finál ba PN

“Ami orgullu tebes tanba bele fó oportunidade ba ami atu partisipa iha diskusaun ne’e, liuliu kona-ba projetu Lei Anti Korrupsaun nian. Ami hosi defensoria públika, hakarak agradese tebes ba oportunidade ida-ne’e,” Olga agradese liuhusi intervensaun ikus, bainhira partisipa diskusaun lei ne’e ne’ebé hala’o iha Mukit Guest House Aisirimou, Aileu, foin lalais ne’e.

Adjunta Defensora Jerál Públika ne’e mós observa katak, iha diskusaun ne’e deputadu sira Komisaun A nian, hamutuk ho entidade relevante sira iha duni hakarak no vontade atu lori duni lei ne’e hodi reforsa órgaun judisiáriu sira.

“Durante disksaun ne’e, ha’u haree katak dinámiku tebes no hotu-hotu nia hanoin ida de’it. Katak, hakarak atu lori duni lei Anti Korrupsaun ne’e hodi fó forsa tan ba ita-ninia autoridade judisiária sira no mós ba ami nu’udár Defensór públiku sira, atu bele hala’o ami-nia papél ho di’ak. Tanba, ho lei Anti Korrupsaun ne’e pasa iha ohin loron nian,” Olga Barreto Nunes hateten.

Entretantu, Projetu Lei Númeru 1/V/I-Medida Prevensaun no Kombate Korrupsaun, ne’ebé ho Titulu hamutuk tolu (III), Primeiru (I) kona-ba medidas preventivas Kombate Korrupsaun, Segundu kona-ba Dispozisaun Kriminál, no Tersieru (III) kona-ba Dispozisaun Finál, ho artigu hamutuk 120.

Notísia Relevante: PN Presiza Alista Lei Komplementár Sira Atu Apoia Lei MPCC

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here