DILI, 13 jullu 2020 (TATOLI)-Diretóra Jerál Prestasaun Saúde Ministériu Saúde, Odete Viegas da Silva, hateten to’o segunda ne’e Timor-Leste kontinua livre husi transmisaun surtu COVID-19.
Totál dadus komulativu ezame laboratóriu hamutuk 3.440, rezultadu negativu 3.226.
Notísia Relevante :Kazu Konfirmadu COVID-19 Mantein 24, Totál Teste Sa’e ba 597
“Hahú husi 15 maiu hafoin ofisialmente kazu konfirmadu sira negativu to’o ohin loron seidauk iha kazu foun ba COVID-19 totál komulativu ezame laboratóriu hamutuk 3.440 no totál komulativu rezultadu laboratóriu negativu 3.226,” dehan Odete Viegas da Silva, durante konferénsia imprensa iha Palacio da Sinzas Caicoli, segunda ne’e.
Nia informa totál ema ne’ebé Liu ona períodu loron 14 kuarentena no konfinamentu obrigatóriu hamutuk 2.493, iha Dili 2.106 no iha Munisípiu 387.
Notísia Relevante :COVID-19: Ema 2.356 Pasa Ona Loron 14, Falta Ema 55 iha Konfinamentu Obrigatóriu
Ministériu Saúde kontinua konsentra halo servisu prevensaun no metigasaun ba COVID-19 iha Territóriu TL liliu iha Munisípiu Bobonaro, Covalima, Rejiaun Administrativa Espesiál Oé-Cusse Ambeno inklui Atauro no Dili.
Jornalista : Felicidade Ximenes
Editór : Agapito dos Santos
