Diretór Servisu Edukasaun Munisípiu Viqueque, Emidio Amaral,(liman karuk). Imajen/MEDSOS.

VIQUEQUE, 13 jullu 2020 (TATOLI)-Diretór Servisu Edukasaun Munisípiu Viqueque, Emidio Amaral, hateten profesór hamutuk ema na’in 70 maka oras ne’e hatama ona pedidu reforma ba Diresaun Rekursu Umanu Ministériu Edukasaun Juventude no Desportu Nasionál nune’e bele hetan ona aprovasaun tanba sira-nia idade atinje ona 60.

Tuir dadus Munisípiu Viqueque iha profesór hamutuk 1000-resin ne’ebé maka  hanorin iha eskola Ensinu Báziku to’o Sekundáriu.

Husi totál profesór rihun ida-resin ne’e, destakadu iha eskola públiku no privada  hamutuk 150. Profesór permanente sira hamutuk ema na’in 720 no kontratadu 280.

“Tinan ida ne’e ita iha profesór 70-resin mak tama ona idade reforma. Sira-nia dadus ita aprezenta ona ba rekursu umanu no agora hein de’it bainhira mak despaixo reforma ne’e aprova,” dehan nia ba Tatoli, iha Eskola Ensino sekundáriu Jéral Munisípiu Viqueque (11/07).

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here