Ministru Finansa, Fernando Hanjam. Imajen Tatoli/Egas Cristovão

DILI, 13 jullu 2020 (TATOLI) – Kada segunda nu’udar loron ne’ebé Ministru Finansa, Fernando Hanjam halo reuniaun ho Primeiru-Ministru (PM), Taur Matan Ruak hodi relata progresu servisu Ministériu Finansa (MF).

“Enkontru ne’e hanesan enkontru regulár hodi relata progresu servisu ministériu nian ba Primeiru-Ministru”, hateten Ministru Hanjam hafoin ramata reuniaun ho PM Taur iha Palásiu Governu, segunda ne’e.

Progresu serbisu ne’ebé MF realiza iha semana liubá mak hanesan, Ministru Finansa, Fernando Hanjam asina akordu ho Banku Dezenvolvimentu Aziátiku (ADB, sigla inglés) ba apoiu orsamentu millaun $1 hodi ba seguransa ai-han ne’ebé ligadu ho surtu COVID-19 iha Timor-Leste, ho koordenasaun husi Ministériu Agrikultura no Peska (MAP).

Relata mós ba Xefe Governu kona-ba selebrasaun akordu MF ho ADB ne’ebé apoia nafatin orsamentu hamutuk millaun $3 ba Governu Timor-Leste hodi apoia Dezenvolvimentu setór kafé.

Biban ne’e, Fernando Hanjam informa mós rezultadu reuniaun Konsellu Jestaun Fundu COVID-19 ba PM.

Jornalista: Antónia Gusmão

Editora: Julia Chatarina

 

HAKEREK NO HATÁN

Please enter your comment!
Please enter your name here