Monsñor Marco Sprizzi, Nunsia Apostólika .Imajen/Antonio Goncalves

DILI, 10 jullu 2020 (TATOLI) – Iha reuniaun informál entre Reprezentante Vatikanu iha Timor-Leste, Núnsiu Apostóliku Monseñor Marco Sprizzi ho Primeiru-Ministru no Ministru Interiór, Taur Matan Ruak, ko’alia kona-ba vistu ba misionáriu sira ne’ebé hala’o misaun relijioza iha Timor-Leste.

Misionáriu estranjeiru ne’ebé daudaun iha Timor-Leste hamutuk kuaze 200.

“Ami diskute kona-ba vistu ba misionáriu estranjeiru ne’ebé servisu iha ne’e, ne’ebé dalaruma simu vistu permanente ho tempu badak,” tenik Núnsiu Apostóliku ne’e iha Palásiu Governu, sesta ne’e.

Tuir Monseñor Marco Sprizzi, misionáriu sira fó vida ba povu ne’ebé hela iha área remota no aldeia sira maibé kona-ba sira-nia viztu kada tinan iha fulan-neen tenke ba Ministériu Interiór atu renova vistu, tanba ne’e nia komunika ho Governu atu rezolve.

“Sira iha ne’e durante tinan barak ona, entaun ohin Xefe Governu atu fasilita liuhosi Ministériu Interiór atu sira bele simu vistu mínimu ba tinan-lima ka laiha prazu, tanba sira servisu iha vida tomak sein manan saláriu ba povu Timor-Leste,” nia subliña.

Núnsiu Apostóliku dehan, durante ne’e relasaun Timor-Leste ho Vatikanu la’o ho di’ak.

“Iha koolaborasaun di’ak, tanba Vatikanu la reprezenta interese estranjeiru maibé defende interese povu timor-oan, tanba ne’e ita hamutuk”, nia akresenta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here