Ministra Negósiu Estranjeiru no Kooperasaun (MNEK), Adalgiza Albertina Xavier Reis Magno. Imajen/Egas Cristovão

DILI, 08 jullu 2020 (TATOLI)-Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hateten, Timor-Leste ho Indonézia sei finaliza prosesu delimitasaun Fronteira Terrestre entre nasaun rua hafoin pandemia globál COVID-19 ramata.

Antes ne’e, Xefe Negosiadór Prinsipál, Xanana Gusmão ho Ministru Koordenadór ba Asuntu Polítika no Defeza Indonézia, Wiranto no Ministru Negósiu Estranjeiru no Kooperasaun Repúblika Indonézia, Retno Marsudi, nota prinsipiu aseitasaun ba finalizasaun fronteira terrestre.

Notísia Relevante :Negosiasaun Fronteira Terrestre TL-RI Sei Sai Ezemplár Ba Mundu

Liuhosi asinatura aseitasaun ne’e finaliza ona fronteira terrestre iha segimentu rua hanesan Noelbesi-Citrana no Bijael Sunan-Oben.

Área Fronteira Noelbesi Citrana  hanesan fronteira entre Kupang, Nusa Tenggara Timur (NTT) no Ambeno (Oé-cusse) ne’ebé hanesan área husi Timor-Leste.

Notísia Relevante :Parlamentu Indonézia Hakarak Aselera Delimitasaun Fronteira Terreste no Marítima ho TL

Nune’e mós Bijael Sunan-Oben hanesan fronteira Timor Tengah Utara (TTU) ne’ebé sai parte husi NTT Indonézia  no Oé-cusse, ho medida hektare 142,7.

Notísia Relevante :Governu Sei Reativa Negosiasaun ho Indonézia Kona-ba Delimitasaun Terestre  

“Prosesu ba fronteira terestre ne’e kuaze atu hotu ona ne’ebé hein de’it finaliza tanba Covid-19 ne’e mak buat hotu paradu tiha, maibé bainhira buat hotu la’o normal ita foin bele kontinua fila fali tanba Indonézia sei taka sira-nia fatin hotu ita labele halo kontinuasaun ba negosiasaun ne’e,” dehan, Ministra Adaljiza, iha Palacio do Governo Dili, kuarta horiseik.

Kona-ba prosesu diskusaun liña fronteira tasi entre nasaun rua, Adaljiza, hateten sei hahú prosesu negosiasaun ne’e hafoin parte rua finaliza ona delimitasaun fronteira terrestre nian.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here