Sekretáriu Estadu Formasaun Profisionál no Empregu, Alarico do Rosário. Imajen Tatoli/Egas Cristovão

DILI, 09 jullu 2020 (TATOLI) Sekretáriu Estadu Formasaun Profisionál no Empregu, Alarico do Rosário, informa daudaun ne’e prosesu dezeñu ba sentru formsaun exelente iha Hera atinje kuaze konklui.

“Sentru Formasaun iha Hera ninia prosesu ba dezeñu maizumenus atinje ona 70 porsentu no dauduan ne’e ita sei iha hela sosializasaun no sei ko’alia ho ita-nia sidadaun sira ne’ebé maka iha ne’ebá. Tanba nia prosesu presiza hatene ema ne’ebé maka hela iha área ne’e tenke aprosima no ko’alia didi’ak ho sira, nune’e sira komprende,” tenik Sekretáriu Estadu ne’e ba Agência Tatoli iha  edifísiu SEFOPE, Caicoli, kinta ne’e.

Governante ne’e hatutan, daudaun ne’e parte SEFOPE forma ona ekipa ne’ebé kompostu husi Gabinete Primeiru-Ministru (GPM), Ministériu Administrasaun Estatál (MAE) no Sekretaria Estadu Komunikasaun Sosiál (SEKOMS) hodi haree di’ak liután ba prosesu ne’e.

“Ami forma ona ekipa atu ko’alia kona-ba asuntu ne’e. Ekipa ne’e sei hamutuk ho ne’e sei hamutuk ho GPM, Terra no Propriedade, Ajénsia  Dezenvolvimentu Nasionál (ADN) atu koopera hamutuk atu ko’alia nune’e iha futuru bele la’o ho di’ak,” nia subliña.

Orsamentu ba konstrusaun obra Sentru Formasaun Exelente ne’e antes ne’e VIII Governu prevee ona iha orsamentu 2020 hamutuk millaun $15.

Sentru Formasaun ne’e sei akumula ema to’o 5.000 no sei harii iha rai ektare 27.

Komunidade afetadu husi projetu ne’e hamutuk 74, tanba ne’e Governu sei matein fó indeminizasaun ho opsaun rua mak hanesan, fó de’it osan no opsaun seluk maka halo bairru foun, depende ba kondisaun.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here