HNGV. Foto google

DILI, 09 jullu 2020 (TATOLI) – Tribunál Distritál Dili (TDD) liuhosi desizaun aplika multa $90.00 ba arguidu ho inisiál DAG ne’ebé baku kuak moru Hospital Nasionál Guido Valadares (HNGV) iha tinan 2017.

Notísia Relevante : Baku Kuak Moru HNGV Ba Hatán iha Tribunál

Antes ne’e, Ministériu Públika akuza arguidu ho krime danu agravadu iha artigu 259 númeru 1 alínea a iha kodigu penal Timor-Leste. Maibé Tribunál halo fali rekualifikasaun jurídika hodi altera fali ba krime danu simples ne’ebé prevista iha artigu 258 kódigu penal Timor-Leste.

Liuhosi leitura desizaun, Juis prosesu Ivan Suritai hateten, iha prosesu julgamentu sira hosi deklarasaun arguidu no sasin iha duni faktu provadu balun arguidu komete krime danu simples.

Tuir Tribunál nia entendimentu hodi aplika multa ba arguidu hodi selu kada loron $1.00 durante loron 90, ho nune’e, total $90.00.
Tuir lei kuandu arguidu la kumpre atu selu mak sei hetan pena prizaun durante loron 60.

Jornalista   : Nelson de Sousa

Editór        : Francisco Simões

 

 

HAKEREK NO HATÁN

Please enter your comment!
Please enter your name here