Funsionáriu Palaçio Presidente ho hatais tradisionál bainhira simu visitante sira ne’ebé ba hala’o enkontru ho Prezidente Repúblika. Imajen/Antonio Gonçalves.

DILI, 08 jullu 2020 (TATOLI) – Xefe Suku Afaloicai, Constantino Guterres, ohin, hasoru Prezidente Repúblika (PR), Francisco Guterres “Lú Olo” iha Palaçio Presidente, Aitarak-Laran, Dili, hodi hato’o komunidade Afaloicai nia aspirasaun no halerik ba Prezidente Repúblika.

Suku Afaloicai nu’udar suku ida iha area jurizdisaun Postu Administrativu Uatulari, Munisípiu Viqueque ho total abitante 5.225 ne’ebé tinan barak moris difisil tebes atu asesu ba estrada, eletrisidade, bee moos no asisténsia saúde ne’ebé sei mínimu liu.

“Ha’u nia prezensa mai hasoru malu ho Prezidente Repúblika hodi hato’o problema báziku ne’ebé durante ne’e ami nia komunidade enfrenta liga ba kondisaun estrada ladi’ak atu asesu liu-liu iha tempu udan,” hateten Xefe Suku Constantino Guterres, ba jornalista sira hafoin hasoru malu ne’e.

Xefe Suku Afaloicai, Constantino Guterres mós espera ba  Governu ne’ebé lidera hosi Primeiru-Ministru Taur Matan Ruak, bele servisu maka’as lori dezenvolvimentu ba povu iha area remotas.

Jornalista   : Nelson de Sousa

Editór        : Francisco Simões

 

 

HAKEREK NO HATÁN

Please enter your comment!
Please enter your name here