Primeiru-Ministru, Taur Matan Ruak. Imajen Tatoli/Egas Cristovão

DILI, 07 jullu 2020 (TATOLI)-Primeiru-Ministru, Taur Matan Ruak, tersa ne’e preokupa ho planu hodi re-ativa prosesu aprendizajen ba estudante sira iha Territóriu Timor-Leste tanba seidauk la’o másimu hafoin implementasaun Estadu Emerjénsia ne’ebé ramata ona iha fulan-juñu liubá.

Xefe Governu kanaliza ninia preokupasaun ne’e liuhosi Vise Ministru Edukasaun Juventude no Desportu, António Guterres, durante sorumutu iha Palacio do Governo ohin.

“Ami tenki hakaas  an duni oinsá atu armonija fila-fali prosesu sira ne’e. Ami optimista iha jullu nia laran ne’e totál eskola 1.885 husi Ensino Pre-Eskolár to’o Ensinu Sekundáriu ne’e sei re-ativa hikas,” katak Vise Ministru Edukasaun.

Notísia Relevante :Ministru Armindo Sei Re-ativa Eskola Fazeadamente

Tuir nia Xefe Governu hateten Governu sai ona husi situasaun impase polítika tanba ne’e,  MEJD tenki konsentra ba programa prioridade atu dezenvolve setór edukasaun.

Daudaun ne’e eskola hamutuk 947 husi Pre-Eskolár to’o Ensinu Sekundáriu Jerál no mós Tékniku Vokasionál maka re-ativa ona prosesu aprendizajen prejensiál ba estudante sira, maibé sei falta eskola 855 maka seidauk.

Notísia Relevante :Governu Garante Eskola Hotu-Hotu Tenki Re-Ativa Durante Jullu

“Dadus ne’ebé mak Ministériu  simu ona husi Diretór Edukasaun Munisípiu sira hatudu iha ona estimasaun katak kuaze  pursentu 50,24 atinje ona.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here