Vise Ministru Ba Dezenvolvimentu Estratéjiku Saúde, atuál Ministru Saúde Interinu, Bonifácio Maucoli dos Reis. Imajen/Egas Cristóvão

BOBONARO, 08 jullu 2020 (TATOLI)-Vise Ministru Saúde, Bonifácio Maucoli dos Reis, husu ba Autoridade Lokál no Seguransa sira iha Munisípiu Bobonaro atu kontinua kontribui hodi prevene no kombate  ba propagasaun pandemia globál surtu COVID-19 iha Timor-Leste.

Nia hato’o lia hirak ne’e durante hala’o vizita servisu bá Munisípiu Fronteira Terrestre ho Indonézia ne’e iha tersa horiseik (07/07).

Númeru transmisaun moras coronavirus iha Indonézia liliu Provínsia Nusa Tenggara Timur (NTT) husi loron ba loron aumenta, tanba ne’e fasil atu transmite mai Timor-Leste bainhira seguransa iha liña Fronteira la másimu.

“Ita hapara ona estensaun Estadu Emerjénsia ba ita-nia Nasaun maibé agora filtrasaun ilegál sira hanesan tama nafatin tanba ne’e mak ho vizita ida ne’e husu nafatin ba autoridade atu nune’e bele providénsia ba ita-nia seguransa sira oinsá atu halo prevensaun ba iha COVID-19,”dehan Governante ne’e ba jornalista sira iha Maliana, horiseik.

Servisu Autónomu Medikamentu no Ekipamentu Saúde (SAMES) iha estoke ekipamentu prevensaun ba morascoronavirus, tanba ne’e nia husu ba Instituisaun Estadu sira iha liña fronteira atu hato’o pedidu ba SAMES hodi hetan apoiu.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here