Sekretáriu Estadu Peska, Elídio de Araújo. Imajen/Hortêncio Sanches

DILI, 07 jullu 2020 (TATOLI) – Sekretária Estadu Peska (SEP) komprometidu sei esforsu atu kombate peska ilegál ne’ebé sei maka’as iha área Tasi Mane, tanba iha tinan rua ikus ne’e Governu rejista ró ilegál hamutuk 170 maka tama Tasi Timór.

“Kombate peska ilegál ne’e inklui mós iha planu ha’u nian, tanba ne’e sei esforsu atu haree kestaun ne’e,” afirma Sekretáriu Estadu Peska, Elídio de Araújo hafoin ramata enkontru ho Primeiru-Ministru (PM), Taur Matan Ruak iha Palásiu Governu, tersa ne’e.

Maski nune’e, governante ne’e rekoñese atu kombate ró tama ilegál maka parte SEP presiza servisu hamutuk ho parte kompetente sira.

“Atu haree didi’ak asuntu ne’e ami sei haree hela planu ida di’ak tanba importante tebes, maibé ne’e kabe mós ba kompeténsia liña ministériu sira,” nia akresenta.

Husi tinan 2018 to’o 2019, tuir informasaun ne’ebé asesu liuhosi satelit katak ró unidade 107 maka  tama ilegál, ne’ebé karik konfirma tau ba osan hamutuk millaun $1,1 no iha 2019 iha ró unidade 63 maka tama ilegál.

Ba kestaun ne’e, Governu iha ona planu ró boot hodi halo kontrolu iha área súl ne’ebé sempre iha peska ilegál.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here