Imajen:google

DILI, 07 jullu 2019 (TATOLI)-Sentru Saúde Formoza Dili, durante fulan neen nia laran hahú janeiru to’o juñu liubá rejista ona kazu má nutrisaun grave hasoru labarik ho inan sira hamutuk 16.

”Iha labarik má nutrisaun ne’ebé mak grave iha sentru saúde formoza hamutuk 16 husi labarik tinan lima mai kraik no labarik sira ne’e ami halo tratamentu no  rekupera hotu,”informa Xefe Departementu Sentru Saúde Formoza, Jaime dos Santos, iha ninia servisu fatin.

Hodi dehan atu evita an husi problema má nutrisaun ba labarik no inan sira, nia rekomenda atu konsume hahán nutritivu no saudavel nune’e labarik no inan sira bele hetan nutrisaun di’ak.

Notísia Relevante :Labarik 133 Enfreta Problema Má Nutrisaun, Na’in Neen Mate

”Ami mós fó ona formasaun ba komunidade sira liliu inan-aman sira iha área Sentru Saúde Formoza nian katak prepara hahán ba labarik sira tenki moos no saudavel no tenki iha mós nutrisaun atu nune’e labarik sira konsume bele hetan saúde ne’ebé mak di’ak no forte,” nia esklarese.

Kauzu seluk husi má nutrisaun tuir nia maihosi  fatór ekonomia família maka la suporta atu sosa hahán nutritivu sira nune’e afeta direta nutrisaun.

Notísia Relevante :Iha HNGV, Labarik Má Nutrisaun Na’in 10 Baixa Iha Sala Pediatria

Iha parte seluk, durante fulan-janeiru to’o juñu sira mós  rejista pasiente ho moras dengue hamutuk 25, númeru ne’e maioria afeta liu ba labarik tinan liman mai kraik no inan sira.

Notísia Relevante :Hahán La Variativu Bele Hamosu Má Nutrisaun

”Kazu dengue hamutuk 25 ne’e sentru saúde formoza relata fali ba Munisípiu Dili, ami Sentru Saúde Formoza nia ema seidauk rezulta mate ba iha kazu dengue sira mai baixa iha ne’e no rekupera hotu,” nia esplika.

Atu halo prevensaun ba moras dengue, Sentru Saúde Formoza sempre halo sensibilizasaun informasaun no rega ai-moruk abate tama sai komunidade nia hela fatin iha área Bemori, Santa Cruz, Lahane Orientál, Bidau Akadiruhun, no Bidau Lesidere.

Notísia Relevante :Labarik Menus Husi Tinan Lima 24% Sei Sofre Má-Nutrisaun

”Ita atu halo prevensaun mak hamoos uma ninin, tau lixu iha nia fatin, toba iha muskateriu laran hakoi lata mamuk sira ne’ebe mak la uza atu nune’e bee labele nalihun hodi susuk labele tolun iha laran,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here