Primeiru-Ministru, Taur Matan Ruak. Imajen Tatoli/Egas Cristovão

DILI, 07 jullu 2020 (TATOLI)-Primeiru-Ministru, Taur Matan Ruak, fó ona orientasaun ba Inspetór Jerál Estadu (IGE-sigla portugés), Francisco de Carvalho, atu halo inspesaun ba servisu no funsionamentu administrativu iha Instituisaun Polisia Nasionál Timor-Leste (PNTL).

Insfektor Jeral Estadu,Francisco de Carvalho.Imajen/Antonio Goncalves

“Ohin ha’u mai hato’o servisu saida mak ami atu halo ba Primeiru-Ministru no Primeiru-Ministru orienta ami atu halo inspesaun ba servisu área Polisia nian, entaun ami sei ho ekipa integradu ida sei halo inspesaun konjunta ida ba iha servisu komandu PNTL nian hosi nasionál to’o ba Munisípiu sira,” dehan, Francisco de Carvalho, ba Jornalista Sira iha Palacio do Governo.

Notísia Relevante :IJE Finaliza Investigasaun ba Kazu 22

Ekipa Inspesaun Integradu ne’e sei involve husi Inspetór Jerál Ministériu Interiór, Inspetór Jerál PNTL no Inspetór sira iha IGE rasik. No tuir planu servisu ne’e sei hahú implementa iha semana oin.

Ikusliu iha sorumutu ne’e IGE aprezenta mós relatóriu inspesaun ne’ebé maka IGE halo ona ba Instituisaun Estadu Sira durante ne’e ba Xefe Governu.

Notísia Relevante :KFP, KAK, PDHJ ho IJE Koopera Malu ba Asegura Governasaun Di’ak iha Instituisaun Estadu

“Inspesaun ne’ebé ami halo maioria iha Instituisaun Estadu konsege hetan mak fraude administrativu aleinde ida ne’e iha balu halai mós ba krime no krime ne’e ami haruka direitamente ba Ministériu Públiku hodi prosesu ba oin, kazu hira ha’u lá-dun lembra,” katak nia.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here