Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 07 jullu 2020 (TATOLI)-Ministériu Ensinu Superiór Siénsia no Kultura hamutuk ho Institutu Ensinu Superiór Públiku no Privada hato’o agradese ba Governu no Povu Xineza tanba oferese ona ekipamentu prevensaun COVID-19.

“Ha’u lori VIII Governu konstitusional lori mós povu Timor-Leste no civitas akademíku nia naran hato’o agradese no obrigado wa’in ba povu Xineza liuhusi sira-nia Embaixada ne’ebé fó ona apoiu ekipamentu prevensaun COVID-19 ba MESSK hodi bele distribui ba Instituisaun Ensinu Superiór,” dehan Ministru, Longuinhos dos Santos, ba jornalista sira iha Colmera, Dili.

Notísia Relevante :Xina Apoiu Ekipamentu Prevensaun COVID-19 ba MESSK

Foinlalais ne’e Xina apoiu ona fasilidades prevensaun ba MESSK hodi distribui ba IESPP maka máskara 40.400,  hand sanitizer botir 442.

Reitor Unital, Florindo Pereira. Imajen Egas Cristovão

Iha biban hanesan Magnífiku Reitór Universidade Orientál (UNITAL), Florindo Pereira, reprezenta universidade sira hato’o agradese ba Governu tanba apoiu ona ekipamentu prevensaun COVID-19.

Notísia Relevante :Governu Distribui Ekipamentu Prevene COVID-19 ba Instituisaun Superiór 18

“Ekipamentu sira ne’e seidauk sufisiente maibé ami bele hetan ona apoiu, tan ne’e ami mós la haluha hato’o obrigadu ba Embaixada Xina inklui Ministériu Saúde bele ona oferese ekipamentu sira ne’e ba MESSK no ohin ami bele simu direita,”dehan nia.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here