Prokuradór Jerál Repúblika (PGR), José da Costa Ximenes. Imajen/Egas Cristóvão

DILI, 06 jullu 2020 (TATOLI)-Prokuradór Jerál Repúblika (PGR, sigla portugés) José Ximenes, husu ba Servisu Alfándega no servisu Inspesaun Jerál  ba Jogu atu reforsa no hadi’a sistema servisu sira hodi prevene krime korrupsaun.

Notísia Relevante : 2019, MP Rejista Prosesu Krime Sa’e 3%

José Ximenes hato’o rekomendasaun ne’e liuhosi aprezentasaun relatóriu anuál 2019 nian, ohin, iha Parlamentu Nasionál.

Nia hateten, tuir observasaun espesiál sira presiza reforsa kontrolu iha Servisu sira Alfándega nian, servisu ho tutela hosi Ministériu Finansas, tanba sai nu’udar ida hosi setór hirak ne’ebé iha risku kriminalidade organizada ne’ebé boot, relasionadu ho importasaun no esportasaun merkadoria sira.

Nia haree katak atuasaun hosi parte inspesaun jogu sira nian, iha nivel territóriu nasionál, la sufisiente no efisiente, buat ne’ebé aumenta risku no koerénsia hosi fenómenu sira korrupsaun nian no brankamentu kapitál iha área ida ne’ebé iha tutela Ministériu Turizmu nian.

“Presiza reforsa servisu iha ministériu sira-ne’e hodi evita aktu sira ne’ebé mosu,” afirma PGR José Ximenes.

PGR mós haree katak koerénsia ein-jerál iha liña ministeriál sira mosu beibeik problema iha prosedimentu kona-ba kontratasaun públika sira, ne’ebé hatudu momoos katak ladún iha efisiénsia hosi parte órgaun fiskalizadór internu sira, hodi tau iha kauza interese sira Estadu nian. Nune’e, krime barak mak iha ligasaun ho kontratasaun públika sira, iha liña ministeriál oioin, liuliu partisipasaun ekonómika iha negósiu, korrupsaun no tráfiku influénsia.

Biban ne’e José Ximenes mós hateten, nu’udar urjente atu atualiza lista hosi materiál báziku sira droga nian ne’ebé konsta hosi art.o 8o Lei Droga nian n.o 2/2017, ne’ebé remete ba Aneksu sira A – C, se halo nune’e  Timór-Leste la’ós sai de’it fatin tránzitu droga nian, maibé mós sai fatin ba tránzitu ba materiál báziku sira droga nian.

Ba grupu Arte marsiál sira, nia konsidera nu’udar estrutura organizadu ne’ebé atua iha lójika konfrontasaun nian, nu’udar fokus ho risku boot ba seguransa no orden interna sira. Tanba tuir nia, kazu hirak ne’e kontinua akontese iha Timor-Leste liu-liu fraku kontrolu iha area entrada sira nune’e Timor-Leste sai fatin ba tránzitu droga.

Jornalista   : Nelson de Sousa

Editór        : Francisco Simões

 

 

HAKEREK NO HATÁN

Please enter your comment!
Please enter your name here