Ministru Edukasaun Juventude no Desportu, Armindo Maia.Imajen/Antonio Goncalves

DILI, 06 jullu 2020 (TATOLI)-Ministru Edukasaun Juventude no Desportu (MEJD), Armindo Maia, hateten sei reforsa kooperasaun ho Governu Portugal hodi kontinua implementa formasaun lian portugués no mós ba ejisténsia eskola CAFÉ iha Timor-Leste.

Governante hato’o kestaun ne’e bainhira simu vizita kortejia husi Embaixadór Portugal iha TL,  José Pedro Machado Vieira, iha salaun MEJD, Vila Verde segunda ne’e.

“Ami hasoru malu ne’e atu fó hanoin ba malu kona ba kooperasaun sira ne’ebé realiza ona no tempu hanesan Ministériu hakarak deklara katak prontu nafatin kontinua kooperasaun ne’e ho nasaun Portugal,” dehan Nia ba jornalista sira.

Dezenvolvimentu lian portugués importante tanba lian ofisiál ba Timor-Leste tuir konstituisaun RDTL.

Konstituisaun RDTL Artigu 13 ko’alia kona-ba lian ofisiál.

1.Repúblika Demokrátika Timór-Leste nia lian ofisiál maka Tetun no Portugés.

2.Estadu valoriza no dezenvolve Tetun no lian nasionál sira seluk.

Jornalista  : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here