Diretora Jeral Prestasaun Saude Ministeriu Saude, Odete Viegas da Silva, akompana ekipa MS. Imajen/Felicidade Ximenes

DILI, 06 jullu 2020 (TATOLI)-Diretóra Jerál Prestasaun Saúde, Odete Viegas da Silva, relata totál dadus kumulativu ema ne’ebé mak tuir ona teste laboratóriu ba surtu COVID-19 hamutuk 2.882 iha Timor-Leste.

Timor-Leste daudaun ne’e livre ona husi transmisaun surtu coronavirus  hahú iha loron 15 fulan-maiu liubá to’o ohin loron seidauk rejistu kazu konfirmadu foun.

“Rezultadu negativu hamutuk 2.565 no ema sira ne’ebé mak tama iha kuarentena obrigatóriu hamutuk 127,” dehan nia durante konferénsia imprensa, iha Salaun Ministériu Saúde Caicoli, ohin.

Husi totál sidadaun 127 ne’ebé oras ne’e kumpre hela kuarentena obrigatóriu iha Dili hamutuk 107 no Munisípiu na’in 20.

Auto kuarentena iha Dili hamutuk 89 no auto-kuarentena iha Munisípiu hamutuk ema na’in tolu.

No sira ne’e pasa ona kuarentena obrigatóriu hamutuk 2.622, husi Dili ema na’in 2.053 no Munisípiu 569.

“Maske ita hotu hatene Estadu Emerjénsia faze dahuluk, daruak  no faze datoluk nian liu ona maibé ita kontinua nafatin hala’o servisu ba iha moras COVID-19 tanba moras COVID-19 ne’e rasik globalmente sei nafatin,” katak Odete.

Ministériu Saúde sei hamutuk ho instituisaun relevantes sei esforsu atu servisu maka’as liliu iha área fronteira terrestre hodi halo prevensaun ba pandemia globál COVID-19.

Jornalista  : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here