Virgílio da Silva Guterres .Imajen/Tatoli Egas Cristovão

DILI, 04 jullu 2020 (TATOLI)–Prezidente Conselho de Imprensa (CI), Virgilio da Silva “Lamukan” Guterres, hateten nia la defende partidu polítiku maibé nia hakarak defende konstituisaun.

Notísia Relevante: AJTL Hili Virgílio “Lamukan” Guterres Reprezenta Jornalista iha CI

“Ha’u la defende partidu polítiku maibé ha’u defende,” Prezidente CI, Virgilio da Silva Guterres iha nia deskursu hafoin eleitu hodi reprezenta jornalista sira iha CI, iha Salaun Delta Nova, Dili, sábadu ne’e.

Nia hatutan, membru Asosiasaun Jornalista Timor-Leste (AJTL) sira mai hamutuk hodi defende naun kriminaliza, kontra kriminaliza difamasaun ne’e, la’ós hanoin mak sala maibé obra sira-ne’e tau tiha konstituisaun.

“Ita hamutuk halo Asosiasaun Jornalista Timor-Leste hodi defende naun kriminaliza katak kontra Lei Kriminaliza Difamasaun,” nia dehan. 

Ba konfrensista sira, Prezidente Konsellu Imprensa hateten atu defende no kontra Lei Kriminaliza Difamasaun presiza “hadomi profisaun” no labele “hakarak profisaun” jornalista ne’e, tanba bainhira “hadomi” nunka husik profisaun maibé bainhira “hakarak” ikus mai lakohi.

“Maibé ba futuru Conselho de Imprensa nia papél importante barak tebes, Ba ha’u baibain ema dehan entre “hakarak” no “hadomi” maibé ha’u pesoálmente di’ak liu hili “hadomi”, tanba ha’u hadomi duni. Se dehan “hakarak” entaun hanesan buat ida karik, buat ida ladi’ak ona entaun lakohi ona,” Prezidente CI hateten. 

Tanba, nia hatutan, hahalok demokrasia ne’e moris nanis ona iha Timor-Leste hori avo skira-nia tempu maibé avo sira mak la hakerek de’it. Nia dehan, se sira hakerek iha livru ruma, parese Timor-Leste mós iha no hanorin ona kona-ba demokrasia, tanba ne’e timoroan sira-nia esforsu koletivu ba futuru mak kontinua defende liberdade,” nia dehan. 

“Liberdade ba sidadaun hotu-hotu liuliu ba sira ne’ebé vulneravél liu, sira ne’ebé etnikamente minoria, no ema ho defisiensia sira. Tanba ne’e, keta haluha deskriminasaun kontinua la’o, nune’e papél meiu komunikasaun sosiál mak atu eduka, redúz no kontribui ba públiku,” nia hateten. 

Nia dehan CI nia papél importante iha públiku mak karakter independensia editoriál ne’ebé mak atu garante públiku nia direitu ba asesu informasaun sira hotu.

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here