Reprezentante Embaixador Indonezia iha TL hasai foto hamutuk ho Retorial UNPAZ.Imajen/UNPAZ Media Center.

DILI,03 jullu 2020 (TATOLI)-Universidade da Paz no Kedutaan Besar Republik Indonesia (KBRI) iha Timor-Leste, kinta ne’e, asina ona nota intendimentu (MoU-sigla inglés) ida hodi hanorin língua Indonézia ka Melayu ba Estudante Universitáriu UNPAZ.

Magnífiku Reitór, Adolmando Amaral, hateten parte rua estabelese ona kooperasaun  ne’e kle’ur ona maibé foin maka formaliza liuhosi MoU hodi implementa iha tempu badak.

“Ami formaliza ona nota intendimentu hodi hetan apoiu rekursu umanu husi KBRI hodi mai hanorin língua melayu ba ita-nia estudante sira, maibé ami tenke hein tanba parte KBRI presija estuda formalizasaun ne’e,” informa nia ba TATOLI, via telefone, kinta ne’e.

Nia dehan UNPAZ sei hahú hanorin matéria melayu ne’e ba estudante sira  hafoin husi parte KBRI ninian finaliza ona sira-nia estudu ba MoU ne’e iha tempu badak.

Kona-ba relasaun entre parte rua, Reitór UNPAZ ne’e dehan estabelese ona kooperasaun iha área kapasitasaun rekursu umanu.

“UNPAZ mós aprezenta proposta balun ba Adjunto Embaixadór Indonézia kona- ba apoiu bolsa estudu dotoramentu nian maibé seidauk iha resposta tanba Embaixada mós sei estuda fali proposta ne’e,”tenik Adolmando.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here