Xefe Departamentu Jestaun Merkadoria Guarda Munisípiu Dili, Berta Santa Gonçalves Vieira. Imajen/Egas Cristovão

DILI, 02 jullu 2020 (TATOLI)–Xefe Departamentu Jestaun Merkadória Munisípiu Dili, Berta Santa Gonçalves Vieira, informa Gurda Jestaun Merkadória Munisipiu Dili prosesa no ajusta ona ninia ekipa hamutuk ema na’in-89 ba Administrasaun Munisípiu Dili (AMD) no Ministériu Adminsitrasaun Estatal (MAE) atu haree no bele simu subsídiu ba COVID-19 nian.

“Ami haruka ona, ami-nia ekipa jestaun nian hamutuk ema na’in-89 ba parte kompetenete atu haree no prosesa hodi nune’e sira mós bele hetan subsídiu COVID-19 nian ne’e,” dehan Xefe Departamentu Jestaun Merkadória Munisípiu Dili, Berta Santa Gonçalves Vieira, ba Agência TATOLI iha nia knaar fatin Mascarinhas, Dili, kinta ne’e.

Hosi ema na’in-89 ne’e, nia haktuir, feto hamutuk na’in-neen (6) no mane na’in-83. Nia fiar no garante katak naran sei sai no sei simu subsídiu ba COVID-19 nian tanba sira mós halo servisu loron-loron iha terrenu.

Bainhira guarda jestaun mak la simu subsídiu, Xefe Jestaun ne’e hateten, laiha problema tanba servisu iha merkadu no dalan públiku nian ne’e, servisu sira-nian no pront hala’o knaar tanba orientasaun ne’e hosi leten.

“Governu mak la selu ami-nia guarda jestaun mós di’ak hela, tanba ami-nia gurada loron-loron sempre tún ba terrenu hodi hala’o servisu tuir orientasaun ne’ebé mak iha nanis ona. Importante no presiza mak tau atensaun de’it ba ami-nia ekipa servisu sira-ne’e,” nia sujere.

Jornalista : Osória Marques

Editór      :  Cancio Ximenes

HAKEREK NO HATÁN

Please enter your comment!
Please enter your name here