Ministra Negósiu Estranjeiru no Kooperasaun (MNEK), Adalgiza Albertina Xavier Reis Magno. Imajen/Egas Cristovão

DILI, 02 jullu 2020 (TATOLI)-Ekipa Fact Finding Mission ASEAN sei mai halo tan avaliasaun ba preparasaun Timor-Leste iha pilár ekonómiku, sosiu no kultura hafoin surtu coronavirus ramata.

“Sekretariadu ASEAN sira sei iha hela situasaun ne’e,  normal mak sira foin haruka fali fact-finding mission ne’e mai para halo avaliasaun ba pilar rua ne’e dala ida,”dehan Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, iha Palacio do Governo.

Maibé nia hateten, bainhira kazu pandemia global sei kontinua ejizte maka ASEAN liuhosi ekipa Fact Finding Mission sei manda de’it pergunta sira ba Governu TL  liuhosi mídia online atu Timor-Leste bele responde.

Atu adere ba The Association of Southeast Asian Nations ka ASEAN, Estadu ho Governu TL presiza  halo preparasaun iha pilár importante maka  polítika no  seguransa, ekonomia, no sosiu kultura.

Antes ne’e, ekipa Fact Finding Mission ho delegasaun ema 60 mai Timor-Leste hodi mós halo avaliasaun hanesan ba preparasaun TL hodi adere ona ba ASEAN.

Jornalista: Hortencio Sanchez

Editór      : Agapito dos santos

HAKEREK NO HATÁN

Please enter your comment!
Please enter your name here