Logotipu TDD. Imajen Tatoli/Dok.

DILI, 30 juñu 2020 (TATOLI) -Tribunál Distritál Dili (TDD), ohin, halo julgamentu ba arguidu JDC ne’ebé deskonfia komete krime tentativa furtu agravadu, dano simples no arma branka.

Arguidu ho livremente tenta tama iha loza laran hodi foti sasán sira iha loza laran la ho koñesimentu loja na’in iha tinan 2019.

Liuhosi audiénsia julgamentu ne’e  Ministériu Públiku (MP) ne’ebé reprezenta hosi Prokuradór  João Barreto, lee sai akuzasaun katak, iha loron 29 outubru 2019, arguidu JDC tenta lori alkati boot hodi tesi kotu kadeadu odamatan loza nian ida ne’ebé besik iha area rotunda estátua Prezidente Nicolau Lobato iha Aldeia Moris Foun, Suku Comoro, Postu Administrativu Don Aleixo, Munisípiu Dili, hodi tama loza laran atu lori sasán loza nian, maibé la konsege tanba komunidade hela besik iha ne’ebá konsege toman.

Altura ne’ebá loza na’in  komunika kedas ho parte polísia eskuadra Ai-mutin to’o iha fatin hodi kaer arguidu no to’o iha estasaun polísia halo pasa revista identifika mós arguidu tara ho pasta boot ida iha laran tau mós rama ambon, fiska, alkati iha laran no sira seluk tan.

Arguidu hatene hahalok ne’e lei bandu, nune’e konstitui arguidu JDC hanesan autór ba krime tentativa furtu agravadu, dano simples no arma branka ne’ebé iha artigu 23 konjuga 252 alínea d, f, g no artigu 258 kódigu penál.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here