Reprezentante OMS iha TL, Rajesh Pandev, entrega ekipamentu prevensaun COVID-19 ba Diretora Jeral Prestasaun Saude, Odete Viegas da Silva.Imajen/Midia MS.

DILI, 01 jullu 2020 (TATOLI)-Servisu Autónomu Medikamentu no Ekipamentu Saúde, oras ne’e halo ona armazenamentu ba fasilidades kuarentena ne’ebé oferese ona husi Organizasaun Mundiál Saúde (OMS) iha semana kotuk liubá.

Diretór Ezekutivu SAMES,  Santana Martins, informa ekipamentu ne’e ofisialmente entrega ona husi OMS no daudaun ne’e rai hela iha armazén SAMES, Kampung-Alór, Dili.

Tuir planu husi Ministériu Saúde nian sei distribui fasilidade hirak ne’e ba fatin kuarentena Motain, Postu Administrativu Balibo Munisípiu Bobonaro no Covalima.

”Ami sei simu lista ne’e maihusi Ministériu Saúde depois SAMES prontu atu halo distribuisaun ba fatin sira ne’e,” katak Santana Martins, ba Jornalista sira iha ninia servisu fatin Kampug-Alor Dili.

OMS apoiu ekipamentu sira ne’e ho ninia kuantidade mak hanesan pakote kits hygiene 300, kits ba sanitaria 80, kama no kulsaun 90, meja 50, kadeira 80 no seluk tan.

“Sasán sira ne’e agora daudaun sei iha hela Armazen SAMES  nian no tempu badak mak ita distribui ba kuarentena Fronteira Batugade no Fronteira Suai,” tenik Santana.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here