Logotipu Tribunál Distritál

DILI, 01 jullu 2020 (TATOLI) – Ministériu Públiku liuhosi Prokuradór Reinato Berenahak, solisita  ba Tribunál Distritál Dili (TDD atu aplika pena prizaun efetivu  tinan-tolu (3) ba arguidu ho inisiál JXN tanba deskonfia komete krime furtu agravadu ne’ebé previstu iha artigu 252 no danu simples iha artigu 258 hosi kódigu penal Timor-Leste.

Liuhosi audiénsia julgamentu ne’ebé prezide hosi juis koletivu Ersilia de Jesus, Afonso Carmona, Albertina Neves, parte Ministériu Públiku nu’udar na’in ba prosesu penál iha alegasaun husu Tribunál atu aplika pena refere tanba konfirma ba faktu sufisiente arguidu ho intensionalmente iha loron 24 Maiu 2018, tuku 10:35 dadeer iha  Akanunu, Hera, iha  Diresaun Nasional Transporte Terrestre (DNTT)  nia oin, arguidu tesi fiu kontadór no selok aat save motor vixon ho matríkula F 9092 TL nian hodi dudu sees hosi fatin ho intensaun atu foti nonook ka na’ok.

Tuir faktu Tribunál konfirma lezadu katak loos duni alutra ne’ebá nia ba para duni motor iha DNTT nia oin atu ba foti osan, maibé momentu ne’ebá lezadu sai mai nia motor la iha ona, ho nune’e, nia haree hosi sorin ba sorin haree motor para dook tiha ona husi fatin orijen kuaze metru 300).

Altura ne’ebá lezadu  imediatamente kaer arguidu hafoin komunika ba polísia eskuadra Hera halo detensaun hodi submete iha sala detensaun oras 72 nia laran tanba krime ida ne’e ka’er ho liman.

Defeza Miguel Acácio Faria, hateten, iha prosesu julgamentu arguidu la nega faktu ho parsialmente, tanba ho nesesidade família, pratika hahalok refere ladi’ak no arrepende tebes. Tan ne’e, ba futuru sei la halo tan no nia parte husu Tribunál atu foti desizaun tuir konviksaun rasik.

Hafoin rona tiha parte sira no alegasaun MP nian, Tribunál adia hikas julgamentu ne’e ba iha loron 16 jullu, tinan ne’e, tuku 17:30 Otl, hodi rona desizaun finál.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here