Primeiru-Ministru, Taur Matan Ruak prezide reuniaun Konsellu Ministru iha Palásiu Governu, kuarta (01/07). Imajen Tatoli/Egas Cristovão

DILI, 01 jullu 2020 ( TATOLI) – Liuhosi desizaun Konsellu Ministru (KM), Governu fó kompeténsia ba Ministru Finansa, Fernando Hanjam hodi Selebra akordu ho Banku Dezenvolventu Aziátiku (ADB sigla inglés), hodi fó kontribuisaun Finanseira husi fundu resposta ba dezastre iha Ázia-Pasífiku ba Timor-Leste.

“Konstribuisaun finanseira ne’e hodi responde ba dezastre iha Ázia-Pasífiku ho valór millaun $1 hodi apoia populasaun ne’ebé afetadu husi COVID-19, liuliu programa hirak ne’ebé iha relasaun ho seguransa ai-han,” dehan Ministru  Fidelis hafoin ramata reuniaun KM iha Palásiu Governu, kuarta ne’e.

Tuir governante ne’e, konstribuisaun finanseiru ne’e sei uza hodi sosa ai-han husi agrikultór nasionál sira no ninian distribuisaun ba família sira ne’ebé vuneravel liu.

Programa ne’e sei implementa husi Organizasaun Nasaun Unida (ONU) ho koordenasaun ho Ministériu Agrikultura no Peska (MAP).

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here