Primeiru-Ministru, Taur Matan Ruak, kinta (02/5), hato’o felisitasaun ba jornalista timor-oan no mós jornalista hotu iha mundu tomak ba loron mundiál liberdade imprensa ne'ebé selebra iha loron 3 maiu, kada tinan. Imajen/GPM

DILI, 30 juñu 2020 (TATOLI) – Iha ámbitu transferénsia koordenasaun Sala Situasaun ba Ministériu Saúde (MS), Primeiru-Ministru (PM), Taur Matan Ruak hato’o agradesementu ba mídia sira ne’ebé mak durante ne’e servisu maka’as hodi divulga informasaun iha ámitu Timor-Leste luta kontra surtu COVID-19.

“Biban ne’e ha’u aproveita fó ha’u nia agradesementu ba jornalista hotu ne’ebé halo kobertura durante atividade iha Sala Situasaun nian, Ministériu Saúde, liuliu ema sira ne’ebé iha liña oin hodi luta kontra moras ne’e tanba husi imi mak fahe informasaun sira ne’e ba públiku”, tenik PM Taur Matan Ruak iha Sentru Konvensaun Dili (CCD, sigla portugés), tersa ne’e.

Hafoin estabelese Sala Situasaun, Sentru Intergradu Jestaun Krize (CIGC, sigla portugés) estabelese mós sentru mídia ne’ebé maka lokaliza CCD, ne’ebé kada loron iha tuku 15:00 sempre atualiza informasaun ligadu ho COVID-19 liuhosi kanál mídia sira ne’ebé estabelese tantu mídia emprime, televizaun no elektóniku.

Jornalista ne’ebé destakadu iha sentru mídia COVID-19 husi mídia nasionál hotu hamutuk kuaze 100.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here