Ministru Saúde Interinu atuál Vise-Ministru Saúde, Bonifácio Maukoli dos Reis. Imajen Tatoli/Antonio Goncalves.

DILI, 29 juñu 2020 (TATOLI)-Ministériu Saúde hamutuk ho Ministériu Obras Publikás (MOP) sei kria  planu mestra kona-ba kontrusaun ba edifísiu foun Ospitál Nasionál Guido Valadares (HNGV-sigla portugés) iha tempu badak.

”Iha planu mestre ida ne’e ita hakarak hadi’a no dezenvolve Ospitál Nasionál Guido Valadares hanesan ospitál aprende ka ospitál universidade  hodi forma pesoál saúde sira ka sidadaun sira ne’ebé atu sai médiku, enfermeiru no parteira ne’ebé mak atu sai kualidade, no mós halo atendimentu ba pasiente” informa Vise Ministru Dezenvolvimentu  Estratéjiku Saúde, Bonifácio Maucoli dos Reis, iha HNGV Dili, segunda ne’e.

Maibé Governante ne’e la esplika detaillu kona-ba data fiksu atu MS ho MOP bele kria ona planu mestre ne’e.

Durante ne’e Universidade Nasionál Timor Lorosa’e (UNTL) ho Universidade privada sira maka prodúz Timoroan iha área Saúde no Ospitál Nasionál maka akumula sira hodi halo prátika profesionál.

”Kona-ba rekursu umanu iha HNGV hanesan espesialista médiku jerál mak seidauk sufisiente maibé ita nafatin iha planu atu forma liliu ba aumentu ba iha área espesializasaun nian mak hanesan área kardiolojia, enkolojia, cirurjía no pediátria nian,” tenik, Bonifácio.

Nia dehan hafoin edifísiu HNGV konstrui ona maka Governu sei hanoin atu sosa tan ekipamentu no aumenta rekursu umanu adekuadu hodi fó atendimentu ba públiku.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here