MInistru Edukasaun Juventude no Desportu, Armindo Maia. Imajen/Egas Cristovão

DILI, 29 juñu 2020 (TATOLI)-Ministru Edukasaun Juventude no Desportu (SEJD), Armindo Maia, hateten fó ona autorizasaun ba Diresaun Jerál Ensinu Sekundária atu kontinua halo fiskalizasaun no avaliasaun ba eskola ensinu sekundária jerál no tékniku vokasionál idaidak kona-ba sira-nia preparasaun atu re-ativa prosesu aprendizajen ba estudante sira.

“Ha’u nafatin orienta Diretór Jerál atu kontinua hala’o nafatin servisu ho maneira ne’ebé mak Ministra sesante (Dulce de Jesus Soares) trasa ona depois mak ita sei haree ba oin karik presija halo mudansa mak ita sei halo,”dehan nia ba TATOLI, hafoin partisipa enkontru Konsellu Ministru Estraórdinariu iha Palacio do Governo Dili ohin.

Notísia Relevante :MEJD Hapara Provizóriu Fiskalizasaun ba Eskola Sekundáriu

Governante ne’e informa atu halo avaliasaun ba programa  sira ne’ebé la’o ona durante mandatu Eis Ministra nian maka tuir planu tersa (30/06) sei halo enkontru ho Diretór Jerál MEJD.

“Ha’u mai atu kolabora servisu hamutuk ho dirijente sira iha kada Diresaun atu kontinua hatutan servisu ne’ebé seidauk ramata,  buat ne’ebé diak ona kontinua halo di’ak liután no buka hadi’a buat ne’ebé la dun efetivu,”tenik Governante.

Ministru ne’e promete sei aselera prosesu fiskalizasaun no avaliasaun nune’e bele re-ativa ona prosesu aprendizajen ba estudante sira.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here