Eis SEPS Alexandrino entrega servisu ba SEPS foun Joaquim José Gusmão dos Reis, kinta (25/06). Imajen/Mídia SEPS

DILI, 25 juñu 2020 (TATOLI) – Sekretáriu Estadu Protesaun Sivíl (SEPS) foun, Joaquim José Gusmão dos Reis, ohin, simu ona delegasaun servisu hosi eis Sekretáriu Estadu Alexandrino Araújo Xavier.

Iha serimónia ‘delegasaun servisu ne’e  hala’o iha salaun SEPS, Caicoli, Dili,  ne’ebé eis SEPS Alexandrino mós entrega relatóriu servisu durante nia mandatu ba SEPS foun, Joaquim José Gusmão dos Reis Martins.

Alexandrino Araujo Xavier, agradese ba kargu xefia no funsionáriu hotu durante servisu hamutuk hodi sérviu povu no nasaun no agradese mós ba Primeiru-Ministru Taur Matan Ruak, ba konfiansa hodi assume pasta SEPS nian e durante tinan-rua nia laran.

“Programa ne’ebé hala’o ona seidauk másimu tanba limitasaun ho orsamentu ba utilizasaun duodesimu,” hateten Alexandrino Araujo Xavier.

SEPS foun Joaquim José Gusmão dos Reis Martins, dehan nia sei fó prioridade ba kontinuidade servisu sira ne’ebé la’o ona.

“Importante mak ne’e, dezafiu sira ne’ebé ohin iha relatóriu hato’o agora oinsá mak  kontinua bele alkansa saida mak hari tiha ona, tanba ne’e Governu ne’e hanesan fó kontinuasaun,” hateten Joaquim José Gusmão.

Jornalista       : Nelson de Sousa

Editór             : Francisco Simões

 

HAKEREK NO HATÁN

Please enter your comment!
Please enter your name here